ఊరించకే ఉగాది

సెమటసుక్కలు ఉప్పటేర్లుగా పారించి

కల్లపొడ్లుకదలక ఆగిన రైతుగుండెచూడు

చెరుకు బెల్లాలిచ్చి సవురుగానకరైతు

రెక్కలిరిగిన గూడుచూడు

పత్తివొత్తులిచ్చి కొత్తపొద్దుకులేని

చెట్టుకేలాడిన చేనుచూడు

పులుపురుచులకు రక్తధారలద్దిన రైతు

తార్రోడ్డు పాలైన రామములగ చూడు

ప్రపంచానికి పసుపుసౌభాగ్యమద్ది

చేదైన కర్షకుని కన్నీరుచూడు

వగరుమామిడికింత కరుణకలగకరేటు

వలపోయినరైతు పంటచూడు

తేనెపట్టులుతెచ్చి తీపినింపినగోండు

గుట్టలమ్ముడయ్యీ గుండెచెదిరిన పోడు

తరిగేటివనరులు పెరిగేటినగరాల

పేదలేమో..భవితరుచులెట్లు ఎరుగునో…?

ఊరించకే ఉగాది ఉరిమిచూడొకసారి

తొందరపడి మానవుడు గూడుసర్దునేమో..

కొండూరి కోటిబాబు, 9666233115