అమ్మవారి బోనం

తొలకరి చిరుజల్లులు పలుకరించగా

రైతన్న ఆనందం రాజ్యమేలగా వచ్చిన

ఆషాఢమాస దీవెనల దయతో

ప్రకృతి పరవశాన చిగురించిన అందం

అరక పట్టిన కర్షక కన్నులలో కొలువుదీరిన

గ్రామ ఆరాధ్య దైవ శ్రీలు దయామృతం తో

భువి పెద్దమ్మల మనసు దోచుకొనగ

పంటల పరవశ సిరులు కాపాడమని మ్రొక్కగా

ఇష్ట పసుపు మా రోగ నిరోధకం

వేపజలమ్ము మేలు చేయగ

ముగ్గుల ముంగిళ్ళు ప్రాంగణాన

అలరించు ఆదిశక్తులు మీరు

కరువును ప్రారద్రోలి కరమున అభయమిచ్చు అమ్మ

జనజాతర నీది జగమేలు తల్లి

నిండుబొట్టు నీవు మా నుదుటి సింగారం

శూల పాణిని నీవు శత్రుసంహరిణి

పూనకమ్ముల నడుమ మా పూజ అందుకొనగ

గుడి వదిలి వచ్చి గుణ ధన రూపిణి

నీ బోనం ప్రతి యేటా నిండు మా ప్రాణం

గుమ్మడి సాంబ మూర్తి,  నందిగాం మండలం, కొత్త అగ్రహారం గ్రామం, శ్రీకాకుళం జిల్లా

ఫోన్ నెంబర్: 7702838118