కాలం అరచేతిలో
మరొక కొత్త పొద్దుపొడువు
ప్రాకృతిక రూపాన్ని ధరించి
అక్షర ధ్వజమెత్తి
కాలజ్ఞతతో పదం మోపుతున్న
సరికొత్త ఉగాదిపై
సర్వత్రా ఆశలు వాంఛనీయమే
భ్రాంతుల్ని కట్టిపెట్టి
అనాలోచితాల్ని ప్రక్కన పెట్టి
జ్ఞాన తెరలపై
సృజన శక్తుల్ని వెదజల్లి
సజీవతకు సమాగమన రూపంలా
ఉగాది రావాలి
సంకల్పశక్తిని నింపుకుని
నిశ్చల మనస్వినిలా
శాశ్వత సత్యానికి ప్రతీకగా మారాలి
దేనికదే విలక్షణ మన్నట్టుగా
ఈ నవన వోన్మేష కాలరూపిణి
మానవ జీవన గమనానికి
మౌలిక ప్రేరణగా మిగిలిపోవాలి.
తిరునగరి శ్రీనివాస్, 8466053933