శుభకృతు శుభకృతు రావమ్మా
శుభాలనెన్నో తేవమ్మా
చైత్రమాసం వసంతరుతువులు రా రమ్మని ఆహ్వానాలే పలికాయమ్మా
వేగిరమే నీవు రావమ్మా
మా జీవితాల్లో ముసిరిన
తిమిరాలన్ని నువ్ తరమాలమ్మా
దుఃఖంలో కూరుకుపోయిన
మా జీవితాల్లో వెలుగులు ఎన్నో నింపాలమ్మా
ఆకాశాన్నంటే ధరలను కాస్త భువికి దింపాలమ్మా
ప్రపంచదేశాలను కమ్మేస్తున్న యుద్ద మేఘాలను తొలగించాలమ్మా
ప్రపంచ శాంతినే నువ్ పూయించాలమ్మా
కరోనా లాంటి భయాలనే తొలగించాలమ్మా
శక్తిస్వరూపిణి అవతారమెత్తి అభయమే నువ్ ఇవ్వాలమ్మా
మనుషుల్లో మంచిని పెంచమ్మా
మానవత్వాన్ని కదిలించవమ్మా
స్వార్ధం కాస్త పక్కన పెట్టించి
మనసున మల్లెలు పూయించి మమతానురాగాల మాలలు కట్టించాలమ్మా
ఉగాది పచ్చడిలో కలిపే షడ్రుచులల్లే
జీవితంలో కష్టసుఖాలు సమతూకంలో నువ్ వడ్డించాలమ్మా
శుభాలనే కలిగిస్తూ
శుభకృతు నీవు మధురానుభూతులే అందించాలమ్మా
శుభకృతు శుభకృతు రావమ్మా శుభాలనెన్నో తేవమ్మా..!
దేవలపల్లి సునందా రెడ్డి, రంగారెడ్డి జిల్లా, 8297744716
