కూటికై కలత
తప్పని, పరిశ్రమలో నెలత
ఆకలితో ఎంతటి శ్రమకైన ‘సై’
అంతా మరచి పోతుంది ‘మై’
వలసకూలిగా అమ్మతనం
పనిలోనైనా కమ్మదనం
పసిబిడ్డకు తల్లి ఒడియే పూలపాన్పు
అదియే అన్ని బాధలను మాన్పు
అమ్మతలపై ఇటుక భట్టి
నడుము జోలెలో కూన గట్టి
ఇటుకల బరువుతో నడిచే బొమ్మ
జోలెలో బిడ్డకు లాలి పాడే అమ్మ
భారంగా జాగరూక లయబద్ద నడక
తూగుటుయ్యాలే జోలె పడక
ఇటుక పై ఇటుక పెరిగిన బరువు
తగ్గిస్తుంది వారి అప్పు అరువు
పనిదొరికితే కూలికి అన్నం నిత్యం
లేకుంటే ఆకలితో మాడుటే తథ్యం
రక్షణలేని శ్రామిక రణరంగం
కావాలి సుందర జీవన తరంగం
ఆశిద్దాం నెలతకు కలత లేని జీవితం భావిలో అందరు దీనికే అంకితం
అభివృధ్ధి చెందిన ఈ మరయుగం
ఇంతికౌతుందెపుడు స్వర్ణయుగం ?
సంధ్య సుత్రావె, పాత నగరం, హైదరాబాద్ 500065, ఫోన్:9177615967
