పాటను మరచిపోలేరు
ఆటల ధూంధాం ను
మరచి పోలేరు
విగత శరీరాన్నిమాత్రం
ఖననం చేయగలరు…
పాట పగడాల్లా జారువారి
ఎరపు వర్ణమై ప్రకాశిస్తుంది
ఆట జనపదాల పాదాలను
కదన కథనం చేస్తుంది
డప్పుల దరువు
ప్రళయ మేఘగర్జనలై
అవినీతి పరుల గుండెలు
జారినట్లు చేస్తుంది…
ఆ పాట
ఆ ఆట
ఆ డప్పు
మూగ పోయింది
జన జాగృతి లో
జాగోరే జాగోరే అంటూ
బతికే ఉంటుంది…
పాటకొక చరిత్ర
ఆటకొక చరిత్ర
ఊపిరిలూది
సజీవం చేసిన గద్దర్
చరిత్రలో ఓ పుట
రేడియమ్, 9291527757