కడప జిల్లా ఒంటిమిట్టలోని శ్రీ కోదండరామాలయంలో మంగళవారం శ్రీరామనవమి వార్షిక బ్రహ్మోత్సవాలు టీటీడీ అధికారులు ఘనంగా నిర్వహించారు. ఇందులో భాగంగా రేపటి నుండి 10 రోజుల పాటు ఉత్సవాలు జరగనున్నాయి. ఈ రోజు ఆలయ పూజారులు దేవాలయంలో శాస్త్రోక్తంగా కోయిల్ ఆళ్వార్ తిరుమంజనం నిర్వహించారు.
ఆలయంలోని గర్భగుడి,ఆలయం వెలుపల, ధ్వజస్తంభం పరిసరాలను నీళ్లు,గంధం, వనమూలికలతో కూడిన పదార్టాలతో శుభ్రపరచారు. అనంతరం సీతారామలక్ష్మణులకు ఘనంగా పూజా కార్యక్రమాలు చేశారు. బ్రహ్మోత్సవాలు ఏప్రిల్ 1 నుండి మొదలై 11వ తేదీ తో ముగుస్తాయి.
