అవినీతి అధికారులు అడుగడుగునా ఉన్నారు. ఇదే విషయం జనగామలో కూడా రుజువైంది. జనగామ జిల్లా కేంద్రంలోని షెడ్యూలు కులాల జిల్లా అభివృద్ధి శాఖ కార్యాలయంలో ఇద్దరు అవినీతిపరులు నేడు పట్టుబడ్డారు. షెడ్యూలు కులాల జిల్లా అభివృద్ధి శాఖ కార్యాలయంలో అవినీతి నిరోధక శాఖ దాడులు చేయడంతో వీరి గుట్టు రట్టయింది.
షెడ్యూలు కులాల జిల్లా అభివృద్ధి అధికారి జి.గట్టుమల్లు, సూపరింటెండెంట్ ఖదీర్ ఏసిబికి రెడ్ హ్యాండెడ్ గా దొరికిపోయారు. వీరిద్దరూ రూ 5000 లంచం తీసుకుంటూ ఏసీబీ ట్రాప్ చేసింది. అడ్డంగా దొరికిన గట్టుమల్లు, ఖదీర్ పై కేసు నమోదు చేశారు.