జాతీయ వినియోగదారుల హక్కుల కమిషన్ సభ్యురాలిగా అనురాగ్ హెల్పింగ్ సొసైటి ప్రెసిడెంట్, మాజీ CWC చైర్ పర్సన్ డా.కె.అనితారెడ్డి నియమితులయ్యారు. అదే విధంగా హనుమకొండ, వరంగల్ జిల్లాకు వైస్ చైర్మన్ గా కూడా ఆమె నియమితులయ్యారు.
ఈ సందర్భంగా అనితా రెడ్డి మాట్లాడుతూ తనకు ఈ అవకాశం రావడం సంతోషంగా ఉందని, ఈ పదవికి సరి అయిన న్యాయం చేస్తానని తెలిపారు. జిల్లాలో వినియోగదారులు ఏ ఇబ్బందులు పడుతున్నా తన సెల్ నెంబర్ 9177362072 కు తెలియచేయవచ్చని అన్నారు.
లేదా నేరుగా కలువవచ్చని కూడా ఆమె తెలిపారు. తనను నమ్మి, తన సేవలను గుర్తించి ఈ పదవి రావడానికి సహకారం అందించిన నేషనల్ వైస్ చైర్మన్ మల్లేశ్వర ప్రసాద్, మిగతా వారికి కృతజ్ఞతలు తెలిపారు. ఇకనుండి వినియోగదారుల చట్టం పై అవగాహన కల్పించేందుకు కార్యక్రమాలు నిర్వహిస్తామని, ప్రజలను చైతన్య పరుస్తూ సేవలను అందిస్తామని అనితా రెడ్డి తెలిపారు.
