ప్రభుత్వ ఉన్నత పాఠశాల శ్రీకాకుళం ఫ్యాప్టో శ్రీకాకుళం జిల్లా శాఖ అత్యవసర సమావేశాన్ని ఉపాధ్యాయ సంఘాలు నిర్వ‌హించారు. ఈ సమావేశంలో డీఈఓ కార్యాలయ ముట్టడి గురించి సభ్య సంఘాల ప్రతినిధులు చర్చించి నిర్ణయం తీసుకున్నారు. జిల్లా నలుమూలల నుంచి ఉపాధ్యాయులు వేలాదిగా పాల్గొనాలని కోరారు. ముఖ్యంగా ఈ పికెటింగ్ రెండు డిమాండ్ మీద జరుగుతుందని ఫ్యాప్టో ప్రతినిధులు తెలియజేశారు. ఉపాధ్యాయుల బదిలీలలో ఖాళీలు అన్నిచూపించాలని, అంతేకాకుండా ఉపాధ్యాయులకు మాన్యువల్గా బదిలీల కౌన్సిలింగ్ నిర్వహించాలని కోరుతూ ఫ్యాప్టో డీఈఓ కార్యాలయ ముట్టడి నిర్ణయం తీసుకుందని వివరించారు.
ఈ కీలక సమావేశంలో ఫ్యాప్టో జిల్లా అధ్యక్షులు పెడాడ ప్రభాకర్ రావు, సెక్రెటరీ జనరల్ ప్రతినిధులుగా ఏపిటిఎఫ్ నుండి చావలి శ్రీనివాస్, దాసరి రామ్మోహన రావు పాల్గొన్నారు. బి టి ఏ నుండి ఏ చెంచు, ప్రధానోపాధ్యాయులు సంఘ ప్రధాన కార్యదర్శి దాలినాయుడు, యుటిఎఫ్ నుంచి పొందూరు అప్పారావు, డి టి ఎఫ్ నుంచి అప్పల రాజు, ఏపిటిఎఫ్ 1938 నుండి టెంక చలపతి రావు, ఆప్టా నుంచి రామారావు మొదలగు వారు పాల్గొన్నారు.
