ఆమస్టర్‌ డామ్‌లో జరిగిన ప్రపంచ ఆర్కిటెక్చర్ ఫెస్టివల్ వేడుకలలో GMR కన్సార్టియం అభివృద్ది చేసిన ఫిలిప్పీన్స్‌లోని మక్టాన్-సెబు అంతర్జాతీయ విమానాశ్రయం టెర్మినల్-2 ప్రతిష్టాత్మక ప్రపంచ ఆర్కిటెక్చర్ అవార్డును గెలుచుకున్నది. సింగపూర్‌కు చెందిన చాంగీ ఎయిర్ పోర్ట్, హాంగ్ కాంగ్‌కు చెందిన వెస్ట్ కోవ్లూతో పాటు ఇతర ప్రముఖ నిర్మాణాలు ఈ అవార్డును గెలుచుకోలేకపోయాయి.
కంప్లీటెడ్ బిల్డింగ్స్- ట్రాన్స్‌పోర్ట్ విభాగంలో GMR కన్సార్టియం అభివృద్ది చేసిన ఫిలిప్పీన్స్‌లోని మక్టాన్-సెబు అంతర్జాతీయ విమానాశ్రయం టెర్మినల్-2 విజేతగా నిలిచింది. GMR, స్థానిక కన్సార్టియం భాగస్వామితో కలిసి ‘GMR-మెగావైడ్ సెబు ఎయిర్‌పోర్ట్ కార్పొరేషన్‌’గా ఏర్పడి సెబులోని టెర్మినల్-2ను అభివృద్ధి చేసింది. ఫిలిప్పీన్స్ ప్రధాని రోడ్రిగో డ్యూటెర్ట్ గత ఏడాది జూన్ 7న విమానాశ్రయాన్ని ప్రారంభించారు.
