అనంతపురం జిల్లా తాడిపత్రి మాజీ ఎమ్మెల్యే, తెదేపా నేత జేసీ ప్రభాకర్రెడ్డిని పోలీసులు కస్టడీకి తీసుకున్నారు. తాడిపత్రికి సమీపంలోని జమ్ములదిన్నెలో సీఐ దేవేందర్పై జేసీ ప్రభాకర్రెడ్డి దూర్భాషలాడారనే ఆరోపణలపై ఎస్సీ, ఎస్టీ అట్రాసిటీ కేసు నమోదు చేసిన విషయం తెలిసిందే.
ఈ కేసులో కడప జైలులో రిమాండ్లో ఉన్న ప్రభాకర్రెడ్డిని ఆదివారం ఉదయం పోలీసులు కోర్టు అనుమతితో కస్టడీలోకి తీసుకున్నారు. అనంతపురం ప్రభుత్వాసుపత్రిలో వైద్య పరీక్షలు చేయించిన అనంతరం మూడో పట్టణ పోలీసుస్టేషన్కు తీసుకొచ్చారు.
తాడిపత్రి డీఎస్పీ శ్రీనివాసులు ప్రభాకర్రెడ్డిని విచారిస్తున్నారు. విచారణ అనంతరం ఈ రోజు సాయంత్రం 5 గంటలలోపు కడప జైలుకు తరలించనున్నారు.