అందాల తార కాజల్ అగర్వాల్ వృద్ధురాలి పాత్రలో ఎలా కనిపిస్తుంది? ఈ ప్రశ్నకు సమాధానం త్వరలో రాబోతున్నది. భారతీయుడు 2 లో కాజల్ 85-ఏళ్ళ మహిళ పాత్రను పోషిస్తున్నదట. ముంబైలో అంతర్జాతీయ స్థాయి కళాకారులు సుబ్రమణియన్ గోపాలసామి, జ్ఞానాడికం పొన్నుసామి ల కళా ప్రదర్శనను సందర్శించిన సమయంలో కాజల్ మీడియాతో కొద్ది సేపు మాట్లాడింది.
ఈ అంశంపై అడిగిన ప్రశ్నకు సమాధానంగా ఇది చాలా అద్భుతమైన పాత్ర కానీ దాని గురించి నేను మీకు ఎక్కువ చెప్పలేను. వారు (సినిమా మేకర్స్) నన్ను చంపేస్తారు! “అంటూ కాజల్ సమాధానం దాటవేసింది. దర్శకుడు శంకర్ నేతృత్వంలో ప్రారంభం కానున్న ఈ భారతీయుడు 2 లో కాజల్ కమల్ హసన్ నటిస్తున్నారు. బహుశ ఫిబ్రవరిలో షూటింగ్ ను పునఃప్రారంభిస్తారు. ఇది చాలా డిఫరెంట్ గా ఉంటుంది.
ఇలాంటి పాత్ర నేనెప్పుడూ చేయలేదు అని చెబుతున్నది కాజల్. భారతీయుడు 2 కాకుండా, ఆమె రాబోయే ప్రాజెక్టుల గురించి మాట్లాడుతూ, “నేను డిఫరెంట్ కంటెంట్ కోసం చూస్తున్నాను. నేను చాలా ఉత్తేజకరమైన, విభిన్నమైన తరహా చిత్రాలకు పని చేస్తున్నాను’’ అని చెప్పింది.
