కరోనా క్యా కరేగా అంటూ
దాని ధూళి మనపై సోకనీక
తామంతా దుమ్మై
మనకంతా దమ్మైన
పారిశుధ్య పారిశ్రామికులను
ఆరోగ్య పరిరక్షకులను
ప్రణమిల్లుదాం
చరవాణి జాగ్రత్తల సమాచారం
సమస్తం విస్తరిద్దాం
కేంద్ర, రాష్ట్ర ప్రభుత్వాల
సూచనలను సంచరింపజేద్దాం
రేయింబవళ్ళు కాపలా కాస్తున్న
పోలీసుల సేవలను గుర్తిద్దాం
వ్యాధితో పోరాడి గెలిచిన వారిని గేలిచేయక గెంటివేయక
బంధువుల బంధాలు నిలిపి
ఇంటిలోకి స్వాగతిద్దాం
ముత్తాతలు కలరా తో
తాతలు గత్తర లతో
గతంలోనే గెలిచారు
సైన్సు సెన్స్ కొద్దిగున్న…..
నేడు మనకు విజ్ఞానపు గనులున్నాయి
కరోనా కట్టడికి జ్ఞాపకాల గదులున్నాయి
మాస్కులతో ముసుగులతో
శానిటైజర్ టైగర్ తో కట్టేద్దాం
ప్రాణదాతలైన వారి పాదపూజ
చేద్దాం
పవిత్ర భారత జాతి పరువును బతికిద్దాం.
డాక్టర్. ఎస్. విజయభాస్కర్, దిల్ సుఖ్ నగర్