అంతర్మథనం

లోలోన ఆలోచనల

పర్వం సాగుతుంది

భావాల పరంపరను తోడుతూ

ఫోటోపై ఫోటో ప్రింటులా

అనేకానేక ఊహల ఊసులు

ఊపందుకుంటున్నాయి

ఎంపిక అసాధ్యమే ఐనా!

ఎక్కడో ఫుల్ స్టాప్ కామాలా

లీలగా ఒకానొక స్థితిలో స్థిరీకరణ

కలం కదలికతో మొదలు

భావాల రూపకల్పన

కొన్ని సార్లు టైటిల్ కోసం

ఇంకొన్ని సార్లు టాపిక్ కోసం

కసరత్తు షురూ

నాగరికత నాణ్యత నవీనత

సాంకేతికత ప్రయోగాత్మకత

సూచన వర్ణనల జోడింపులతో

కూడిన సమయోచిత కసరత్తుకు

ప్రతిఫలం ప్రతిరూపును

చూసినంతనే

నూతనోత్సాహంతో

మరోరచనకు స్ఫూర్తీ,

అన్వేషణా కొనసాగు

అనేకానేక బాధ్యతల

బంధీగా ఉన్నా ఈ కాస్త

శోధన సాధన‌ మనసుకు

నిచ్చు ప్రశాంతత

ఈ అభిరుచి ఇలాగే

కొనసాగించాలనే ఆకాంక్ష ఆతురత

సంధ్య సుత్రావె, ఫోన్: 9177615967