అక్షర దుప్పటి

అక్షర దుప్పటి కప్పుకుని

కమ్మటి నిద్ర లోకి జారుకున్నాను

కలలెన్నో కన్నాను

ఉదయాన్నే కాగితం మీద పంచుకున్నాను

రెక్కలు విప్పిన సీతాకోక చిలుకలు

మారు పలికే రామచిలుకలు

లేత ఆకులు మరిగిన కోయిలలు

అక్షర రూపంలో కాగితము పై వాలిపోయే…

ఆశల తీగలకు కాసిన ఫలాలు

మొక్కలకు విరబూసిన పువ్వులు

ప్రకృతిలో వికసించిన రూపాలు

నా కలంలో మకరందం నింపి జాలువారే..

గగనాన వెలిసిన గ్రహాల సముదాయం

చీకట్లో మెరిసే నక్షత్రాల మండలం

వేలాడే సూర్యచంద్రులు వెలుగులు

నా ఊహల సామ్రాజ్యం అంతా  కాగితంపై దిగెను..

జడల వెంట పరుగులు తీసిన

అవి కాస్తా నదుల్లో దూకెను

నదుల వెంట అడుగులు వేస్తూ

ఆ కన్నీళ్లను అంతా కాగితంపై నింపినా…

ఎడారి అంతా తిరిగినా

మంచినీళ్లలా సంపద కొరకు

పచ్చటి స్థలం కనిపిస్తే చూడాలని

కలానికి బలం తెచ్చి రాయాలని ‌‌…

ఊహలన్నీ ఆకాశములో మెరుపులు

చేతికి అందవు చింత తీర్చవు

రాత్రి కల ప్రోద్దున్నే మాయం

కాగితం మీద రాసిన సంతకం మాత్రం మిగిలింది..

కొప్పుల ప్రసాద్, నంద్యాల, 9885066235