కొల్లాపూర్ నియెజకవర్గం కోడేర్ మండలం నర్సాయిపల్లి గ్రామ నివాసి శ్రీధర్ రెడ్డి కూతురు వెటర్నరీ డాక్టర్ ప్రియాంక రెడ్డి దారుణంగా హత్యకు గురికావడంతో వారి కుటుంబాన్ని శంషాబాద్ లో మంత్రి సత్యవతి రాథోడ్ తో కలిసి ఎమ్మెల్యే బీరం హర్షవర్ధన్ రెడ్డి పరామర్శించారు. ప్రియాంక రెడ్డి తల్లి తండ్రులకు ధైర్యం చెప్పారు. హత్యకు సంబంధించిన విషయాలను అడిగి తెలుసుకొని వారి కుటుంబాన్ని ఓదార్చారు.
మంత్రి కేటీఆర్ కు ఫోన్ చేసి విషయాన్ని ఎమ్మెల్యే బీరం హర్షవర్థన్ రెడ్డి వివరించారు. కేటీఆర్ తో ప్రియాంక రెడ్డి తండ్రి శ్రీధర్ రెడ్డిని మాట్లాడించారు. దోషులను కఠినంగా శిక్షించాలని తండ్రి శ్రీధర్ రెడ్డి కేటీఆర్ ని కోరారు. హత్యకు సంబంధించిన విషయాలను కేటీఆర్ కి ఫోన్ ద్వారా చెప్పారు. కుటుంబానికి ప్రభుత్వం అండగా ఉంటుందని కేటీఆర్ హామీ ఇచ్చారని చెప్పారని ఆయన తెలిపారు.
దోషులను కఠినంగా శిక్షిస్తామని హామీ ఇచ్చారు. డాక్టర్ ప్రియాంక రెడ్డి హత్యను ఎమ్మెల్యే బీరం హర్షవర్థన్ రెడ్డి ఖండించారు. ఇలాంటి సంఘటనలు పునరావృతం కాకుండా దోషులను కఠినంగా శిక్షించే విధంగా ప్రభుత్వం చర్యలు తీసుకుంటుందని ఆయన హామీ ఇచ్చారు. ఎమ్మెల్యే వెంట నాయకులు రత్న ప్రభాకర్ రెడ్డి, దూరెడ్డి రఘువర్ధన్ రెడ్డి, శేఖర్ శెట్టి ఉన్నారు.
