జూనియర్ ఆర్టిస్టిక్ జిమ్నాస్టిక్స్ నేషనల్ ఛాంపియన్ షిప్ 2022 – 23 లో హైదరాబాద్ కు చెందిన నిష్క అగర్వాల్ అల్ రౌండ్ ఛాంపియన్ షిప్ తో పాటు, బ్యాలన్స్ డీమ్ విభాగంలో గోల్డ్ మెడల్, ఫ్లోర్ ఎక్సర్సైజ్ విభాగంలో బ్రాంజ్ మెడల్ సాధించిన సందర్భంగా రాష్ట్ర ప్రోహిబిషన్ & ఎక్సైజ్ క్రీడా, పర్యాటక, సాంస్కృతిక, పురావస్తు శాఖ మంత్రి డాక్టర్ వి .శ్రీనివాస్ గౌడ్ అభినందించారు.
కేరళ రాజధాని తిరువనంతపురం లోని జిమ్మీ జార్జ్ ఇండోర్ స్టేడియంలో 30 డిసెంబర్ -2022 నుండి 02 జనవరి 2023 వరకు ఈ పోటీలు జరిగాయి. హైదరాబాద్ లోని తన క్యాంపు కార్యాలయంలో నిష్క అగర్వాల్ నేడు మంత్రిని కలిశారు. ఈ సందర్భంగా మంత్రి డాక్టర్ వి శ్రీనివాస్ గౌడ్ మాట్లాడుతూ తెలంగాణ రాష్ట్రం ఏర్పడిన తర్వాత క్రీడల అభివృద్ధికి ముఖ్యమంత్రి కేసీఆర్ సహకారంతో అనేక కార్యక్రమాలను నిర్వహిస్తున్నమన్నారు.
రాష్ట్రంలో దేశంలో ఏ రాష్ట్రంలో లేనివిధంగా క్రీడాకారులకు 2 శాతం ప్రభుత్వ ఉద్యోగాల్లో రిజర్వేషన్లు, ఉన్నత విద్యా కోసం 0.5% రిజర్వేషన్లను కల్పిస్తున్నామన్నారు. దేశంలో అత్యుత్తమ క్రీడా పాలసీ ని తెలంగాణలో రూపొందించుకుంటున్నామన్నారు. అంతర్జాతీయ స్థాయిలో పథకాలు సాధిస్తున్న క్రీడాకారులకు నగదు ప్రోత్సాహకాలు అందించి వారిని ప్రోత్సహిస్తున్నామన్నారు. జిమ్నాస్టిక్స్ లో రాణిస్తున్న నిష్క అగర్వాల్ ను ఈ సందర్భంగా అభినందించారు. రాష్ట్రంలో జిమ్నాస్టిక్స్ క్రీడను ప్రోత్సహిస్తున్నామన్నారు. ఈ కార్యక్రమంలో తెలంగాణ ఒలంపిక్ అసోసియేషన్ ఉపాధ్యక్షులు ప్రేమ్ రాజ్ , ఇండియన్ జిమ్నాస్టిక్ టీం కోచ్ మనోజ్ రాణే, తెలంగాణ జిమ్నాస్టిక్స్ అసోసియేషన్ ప్రధాన కార్యదర్శి GS మహేష్, జాయింట్ సెక్రటరీ విజయ్ పాల్ రెడ్డి తదితరులు పాల్గొన్నారు.
