వాలంటైన్స్ డే రోజున విశాఖ పోలీసులు లవర్స్ కి షాక్ ఇచ్చారు. ఎలాగంటారా? ఏం లేదు ప్రతి పార్కులో పోలీసులు దర్శనం ఇస్తున్నారు. ప్రతి పార్కు ఎంట్రీ గేట్ ల వద్ద పోలీసులు పహారా ఏర్పాటు చేశారు. అదే విధంగా పార్కుల్లోని సీక్రెట్ ప్లేసుల్లో పోలీసులు మోహరించారు. పోలీసులు గస్తీ తో సెంట్రల్ పార్క్ ఖాళీ అయింది. వుడా పార్క్, వైశాఖీ పార్క్, సహా అన్ని పర్యాటక ప్రాంతాల్లో పోలీసులు మోహరించడంతో పోలీసులను చూసి ప్రేమికులు వెనుదిరుగుతున్నారు. సాధారణ రోజులు కంటే పార్కులు, పర్యాటక ప్రదేశాలు బోసిపోతున్నాయి. సిపి ఆర్కే మీనా ఆదేశాలతో నేడు కట్టుదిట్టమైన భద్రతా ఏర్పాట్లు చేసినట్లు పోలీసులు తెలిపారు.