తెలుగుకు వెలుగు తెచ్చిన తెలంగాణ బిడ్డ
తెలుగు వారి ఘనతను చాటిన సాహిత్యవేత్త
విద్యార్ధి దశలోనే ఒంటరిగా అడుగేసి
పోరుకు దిగిన ధైర్యశాలి
వందేమాతరమును ఆలపించి నైజామును
ఎదిరించి వణికించిన దేశభక్తుడు
ఉద్యమాలలో చేరి హైదరాబాదు
విముక్తి కై పోరాడిన సాహసికుడు
మౌనంతోనే సమాధానాలను పలికించి
పరిష్కారాలను చూపిన ధీరుడు
పరిపాలనలో నేర్పును చూపి
అపర చాణక్యుని మరిపించిన మేధావి
సామరస్యముతో పనులు చక్కదిద్దిన ధీశాలి
నిస్వార్థ సేవతో తనకై ఆలోచించక
భరతమాతను మురిపించిన సహనశీలి
పలు భాషలు నేర్చి ప్రాంతీయ భేదాన్ని
మాపిన మనసున్న ప్రఙ్ఞావంతుడు
రాజనీతితో మెళకువలు చూపి
రాజ్యమును నడిపిన నైపుణ్యవంతుడు
అనువాదములు చేసి అన్ని భాషల
వారినీ ఆదరించిన ఆత్మీయుడు
వేయిపడగలు కావ్యమును హిందీలోకి మార్చి
అత్యంత గౌరవప్రదమైన కేంధ్ర సాహిత్య
పురస్కారము దక్కించుకున్న విఙ్ఞాన వేత్త
ఇన్ సైడర్లో తన లోపలి మనిషిని చూపిన నీతిపరుడు
కీర్తికై ప్రాకులాడక సమర్ధవంతమైన పాలన చేసి
ప్రజల మనసు గెలిచిన పరిపాలనాదక్షుడు
సాహితీవేత్తగా చివరి వరకు సేవ చేసి
భరతమాతను మెప్పించి
తెలగు గడ్డకు కీర్తి తెచ్చిన త్యాగశీలి
పాములపర్తి వేంకట నరసింహారావుగా వెలిగి
పి.వి.నరసింహారావుగా వర్ధిల్లిన విఙ్ఞానఘని.
గంజి కళావతి శ్రీనివాస్, నల్లగొండ