కరోనా మహమ్మారి
కొరలను చాపి
కరాళ నృత్యంతో
మరణ మృదంగం మోగిస్తూ
వికటాట్టహాసంతో
విళయతాండవం చేస్తూ
ప్రపంచ దేశాలను
అతలాకుతలం చేసింది
అగ్ర రాజ్యమైన అమెరికా
అట్టుడికిపోయింది
వాణిజ్య దేశమైన చైనా
కరోనాకు పుట్టినిల్లై
ప్రపంచ దేశాల ముందు
మౌనంగా నిలబడాల్సి వచ్చింది
వైద్యరంగంలో పురోగతి
సాధించిన ఇటలీ
కరోనాను కట్టడి చెయ్యలేక
చేతులెత్తేసింది
పెద్ద పెద్ద దేశాలుగా
ఉన్న స్పెయిన్, రష్యా
సౌదీ అరేబియా, దుబాయ్
పాకిస్తాన్ అన్ని
ఆగమాగమై అగమ్య గోచరంగా
దిక్కుతోచని పరిస్థితి కల్పించింది
కరోనా రక్కసికి చిక్కి
లక్షల మంది ప్రాణాలు కోల్పోతే
లక్షల మంది వ్యాధి సోకి
ప్రాణాలను అరచేతిలో
పెట్టుకొని దినమొక గండంగా
బతకాల్సిన పరిస్థితి ఏర్పడింది
భారతదేశం అభివృద్ధి
సాధిస్తున్న దేశమైనా
ఆపద సమయంలో అన్ని
దేశాలకు నేనున్నానంటూ
భరోసా ఇచ్చింది
మందులను సరఫరా చేసింది
వైద్యులను పంపింది
ప్రపంచ దేశాల చూపు
భారత్ వైపు మరల్చ గలిగింది
రామాయణ, మహాభారత, భాగవత , వేదాలకు పుట్టినిల్లయిన భారత్
వైద్యరంగంలో పురోగతి సాధించింది
కరోనాను ఖతంచేసి
కరోనా భూతాన్ని భూస్థాపితం
చేసే సత్తా భారత్ కే ఉందని
వైరస్ ను శాశ్వతంగా రూపుమాపడానికి కంకణ బద్ధమై వాక్సిన్ తయారీలో ముందడుగు వేసింది జయహో భారత్ జయ జయహో భారత్ అంటూ ప్రపంచ దేశాల ప్రశంసలు అందుకుంటుంది
మేరా భారత్ మహాన్.
డాక్టర్. ఎస్ . విజయ భాస్కర్ , దిల్ సుఖ్ నగర్, హైదరాబాద్.