అనంత ఆత్మవిశ్వాసానికి ప్రతీకగా
ఆకాశంలో ఆశలు పుట్టిస్తూ కనిపిస్తావు
నీ రెపరెపలతో ముడిపడిన బంధం మాది
ప్రగతి పథంలో ముందుకు దూసుకు పొమ్మంటూ
అలా అలలా కదిలిస్తూ గుర్తుచేస్తావ్
జై జవాన్ జై కిసాన్ అంటూ జేజేలు చెప్తూ
నీ హుందా వెనుక ఎందరి త్యాగాన్నో తలచుకుంటాను నేను
దేశాన్ని ఆక్రమించాలనే దగాకోరులనుంచి
దేశాభివృద్ధికి ఆటంకమైన దుష్టశక్తుల కుయుక్తులను
కులం మతం పేరుతో నీరెక్కలు కత్తిరించే
కిలాడీలను
నీ పై మలినాలను పూసి మసిచేసే మార్మికతనుంచి
నిన్ను కాపాడుకోవడం మాకుతెలుసు
అక్షరాలు రానికాలంలో సాగిన అమాయకపుమోసాలు
అన్నీ తెలిసాక తప్పించుకునే అతితెలివి స్కాములు
ఎన్ని చేసినా కనిపెట్టే సత్తామాది
ఎదిరించి ప్రశ్నించే గొంతుమాది
పనితనం చూపించే చేయి మాది
సంఘటితత్వానికి కలిపే చప్పట్లూ మావే
నిన్ను మరింత ఎత్తులో నిలబెట్టడం మా బాధ్యత
నీ రెపరెపలను విశ్వవ్యాప్తం చేయడం మా ప్రతిజ్ఞ
మేమేంటో తెలపేందుకు
మా ఉనికిని చాటేందుకు
నిరంతరం శ్రమిస్తూ
గుండెల నిండుగా మా భారతమాతకు
అందిస్తున్నా వందనం
-డా. సమ్మెట విజయ, 9989820215