సగర్వంగా చాటుదాం..

కలల కణాచి నా దేశం

శాస్త్రాన్ని ఆచారంతో ఇచ్చింది సందేశం

ధన్వంతరి చరక శుశ్రుతుల వైద్యం ఆదర్శం

సిద్ధమూలిక వైద్యం నిదర్శనం

బోధిసత్వుడు నేర్పిన విద్య

చేరారు మాదేనని విదేశీయులీమధ్య

అపారం కదా మన జ్ఞానం

చేయి మారకమయ్యాక తెలిసే మన అజ్ఞానం

శూన్యం నుండి లెక్కలు వచ్చిన వైనం

భూమికి సూర్యునికి దూరపు యోజనం

చెప్పారు తేడాలేక ముని జనం

యోగాతో చిత్తం ప్రశాంతం

పరాయి దేశాలు నేర్చుకున్నాయి ఆసాంతం

స్వదేశీ గోమాత చుట్టూ ఉన్న పవిత్ర ఆరా

తెలిసి సొంతం చేసుకున్నారు తీసి ఆరా

నాడు వారు మన చెంత చదువుకొచ్చే పరిస్థితి

ఎగబడుతున్నాం నేడు మారి గ్రహస్థితి

బానిసత్వ సంకెళ్లు తెంచి పొందాం స్వాతంత్ర్యం

అయినా లోబడి పోతున్న స్వ తంత్రం

చెట్టు పుట్ట నీరు నిప్పు పూజించే దేశం

ప్రకృతిని ప్రేమించే అంతర్లీన ఆదేశం

కొత్తొక వింతని పాటిస్తున్నాం

మనది కాని జీవితం బ్రతికేస్తున్నాం

తిరిగి తీసుకువద్దాం దేశ వైభోగం

ప్రారంభిస్తే ప్రయత్నం మారరా కనీసం సగం

మాత ,మాతృదేశం కాదేప్పటికీ పురాతనం

ఆరోగ్య రహస్యాన్ని ఇమిడ్చిన మన సనాతనం

అరుణ చామర్తి ముటుకూరి, మెదక్, 9000683826