ఆవరించిన అంధకారాన్ని తొలగించి
కాంతి పుంజమై వెలుగులీనుతుంది
అంతరంగంలో కదలాడే భావాలకు
అద్భుత ఆకృతిని సంతరించుకుని
విశ్వ విజ్ఞాన బాంఢాగారమయ్యింది
అవినీతి అక్రమాలకు సింహస్వప్నమై
అక్షరమే ప్రశ్నించే శంఖారావమయ్యింది
సమాజాన్ని తట్టిలేపే సమరనాదమై
అధర్మానికి నిరసన గీతమయ్యింది
కులమతాల విద్వేషాలను నిరసించి
గర్జించే తిరుగుబాటు గళమయ్యింది
మమతా సమతా మానవతా తోరణమై
సమాజ జీవన సౌరభాలు వెదజల్లింది
ఆలోచనలకు ఆవిష్కరణలకు ఆలంబనయై
అక్షరమే నిత్య చైతన్య కిరణమయ్యింది
అమూల్యమైన అక్షరమే ఆత్మీయ నేస్తమై
జీవితాలను పరిమళింపచేసే పారిజాతమయ్యింది
(అక్షరాస్యతా దినోత్సవం సందర్భంగా)
పులి జమున