దొరగారి ముల్లుగ్రర చూపుకి
వొళ్ళంతా హూనమైనా
ఓపిగ్గా నమ్ముకున్న మట్టిమీద
చెట్టంత ఆశతో
జీవిస్తున్న జీవి వీడు
కండవీడిది
పండగ వాడిది
కన్నీరు వీడిది
పన్నీరు వాడిది
జానెడు మాగాణి మడికి
వారసుడు వీడు
ఎకరాల ఎకరాల
భూమి సొత్తుకి
ఆసామి వాడు
పండిన ధాన్యం
వీడికి పిడికెడు
వాడికి పుట్లు పుట్లు.
కౌన్ కిస్కాగాడు వీడైతే
తూనికల తొండితో గెలిచిన
పెత్తందారువాడు
వానా వరద వరికుప్పను ముంచటాలు
మొండి బాకీలు వీడి వాకిట్లో ధ్వజమెత్తితే
వడ్డీకి చక్రవడ్డీ, చక్రవడ్డీకి వడ్డీ కలిపి
వడ్డించేదివాడు
పత్తి వీడిదే గుళ్ళొ వొత్తి వీడిదే
ఇదే తరతరాల ఆచారం
అని కొట్టి పడేసుకుంటూ
కొట్టుమిట్టాడే ‘కొవ్వొత్తి’ కూడా వీడే.
(అంతర్జాతీయ రైతు దినోత్సం సందర్భంగా)
కొరుప్రోలు హరనాథ్, 9703542598
