రంభ ఊర్వశిల అందాన్ని తలదన్నే అందమే నీది
హంసలకు నడకలు నేర్పే సోయగమే నీది
మయూరమే అసూయపడే నృత్యమే నీది
గులాబీ రేకులు నీపై స్పర్ధ పెంచుకునే సున్నితత్వమే నీది
నాగు పాములా బుసలు కొట్టే
నీ వాలు జడ వయ్యారానికి
దాసోహం అవ్వని వారుంటారా ఈ లోకంలో..!!
నీ వాలు కనుల కొంటె చూపుల్లో చిక్కుకుని
మరలి పోగలవారుంటారా ఈ లోకంలో ..!!
ఆహా ..! ఏమి నీ అందం ఓ వయ్యారిభామా..
దేవలోకం నుంచి దిగి వచ్చావా
లేక
బ్రహ్మదేవుడే నిన్ను ఇంతందంగా చేసి
ప్రాణంపోసి పంపాడా నా కోసం
నీ ప్రేమ వలపుల జడివానలో తడుస్తూ…
అనునిత్యం నీ ప్రేమ పూజారినై
నిను ఆరాధించనా..
నా గుండెనే నీ కోవెల చేసి
దేవలపల్లి సునంద
