పచ్చని వనంలో ఒక పువ్వు పూచింది
ఒక పెదవి నవ్వింది
వనమంతా పరిమళమై
సోయగాలు చిమ్మింది
విరబూసుకున్న కురులు
జాజి తీగలై జాలువారినట్లు
ఆ గాజుల గలగలలు
వలపుల తలపులై చెలరేగినట్లు
ఆ చక్కని చుక్క చీర అంచులు
ఇంద్రచాపమై గోచరించినట్లు
ఆ పలువరుసలు పిండివెన్నెల్లా
కలువరేకులైనట్లు
ఆ బుగ్గలు కెంపులై కాంతిపుంజం చిమ్మినట్లు
ఆ చెలియ కనులు చేప కనులై
చెలికాడి మనసు దోచినట్లు
మిలమిల మెరిసే ఆ పసిడి మేను
పాల నురగై మీగడ తరగై
అతి సున్నిత వనితై
నా కవితకు నాంది పలికిన కోమలివై
నవ కవితను నాకందించిన
ఓ…నా సుతిమెత్తని హృదయ దూదిపింజమా
కవి మనసు గెలిచిన కరుణారుణ తరుణీ
ఓ…నా ప్రియ ప్రియురాలా….
కె.హరనాథ్, 9703542598
1 comment
HRUDAYA RANI a Good concept kavita. Congrats.