నవ వసంతం

వసంతాల ముంగిట్లో

హరివిల్లుగా వాలిపోయి

ముగ్గులుగా మెరిసింది

ప్లవ నామ సంవత్సరాది

షడ్రుచుల సమ్మేళనంలో

సుఖ దుఃఖపు త్రాసుగా

సమపాళ్ళుగా నిలిచింది

వసంత గీతపు కోకిలగా

నవ వసంతపు రాగమై

పాడి పంట సిరులు లొలుకు

సవ్వడిగా వచ్చింది ఉగాది

గత కాలపు గతుకులను

వడివడిగా దాటుకుంటూ

భవిత కొరకు బంగరు బాటై

ఆరోగ్యంగా నడిపించుటకై

కలిసి వచ్చింది ప్లవ యుగాది

తెలుగు సంవత్సరం తేటగా

తిథి వార నక్షత్ర ఫలితమై

మానవాళి మేటి మనుగడకై

ముందు చూపుగా ఏతెంచింది

ప్లవ నామ యుగాది వత్సరం

క్రిమి సంహారక ఆయుధమై

భువియందు జనుల మేలుకై

తరలి వచ్చింది ఉగాది

నరెద్దుల రాజారెడ్డి, గోరంట్ల, అనంతపురం జిల్లా, ఫోన్ : 9666016636