పాత పేజీలు తిరగేసి
కొత్త పుటలకు ఆరంభం
వసంతరుతువు ఆగమనంతో
చైత్రోదయపు తొలి పొద్దుతో
నులి వెచ్చని కిరణాల స్పర్శతో
ప్రకృతి పులకించి పోగా
లేత చిగురులు తొడిగిన
చిగురు పచ్చని ఆశలతో
యుగానికి ఆదియైన ఉగాదితో
తెలుగువారి నూతనవత్సరమై
కోకిలమ్మ కుహూ అనే కూతలతో
వేప పూతచేదు ,మామిడి ఓగరు
చింతపండు పులుపు ,మిరియకారం
చెరుకుగడలతీపి షడ్రుచుల కలబోత
మానవజీవితాల్లో సుఖదుఃఖాల
మేళవింపులు మిళితమైన బంధాలు
మనసు నిండా కోర్కెల దండలే
రాశి ఫలాలు, పంచాంగ శ్రవణాలు
ఆదాయ వ్యయాలను బేరీజు వేస్తూ
శార్వరిలో వణికించిన కరోన్మాదం
అంతమై ప్లవనామకు సుస్వాగతం…
పత్తెం వసంత
