సామాజిక సేవా కార్యక్రమాలలో భాగంగా హైదరాబాద్ కొండాపూర్ లోని చండ్ర రాజేశ్వరరావు ఫౌండేషన్ కు స్టేట్ బ్యాంక్ ఆఫ్ ఇండియా 7 సీట్ల మారుతీ EECO వ్యాన్‌ను విరాళంగా అందించింది. హైదరాబాద్ సర్కిల్ (తెలంగాణ రాష్ట్రం)లో పర్యటిస్తున్న స్టేట్ బ్యాంక్ ఆఫ్ ఇండియా మేనేజింగ్ డైరెక్టర్ స్వామినాథన్ జానకిరామన్ చేతుల మీదుగా వ్యాన్ ను నిర్వాహకులకు అందచేశారు.
సామాజిక, ఆర్థిక శ్రేయస్సును మెరుగుపరిచే లక్ష్యంతో స్టేట్ బ్యాంక్ ఆఫ్ ఇండియా, హైదరాబాద్ సర్కిల్ కార్పొరేట్ సోషల్ రెస్పాన్స్ బిలిటీ (CSR) కార్యక్రమాలను చేపట్టిందని ఈ సందర్భంగా స్వామినాథన్ జానకిరామన్ వెల్లడించారు. CSR కార్యకలాపాలు ఒక గొప్ప విషయమని, బాధ్యతాయుతమైన కార్పొరేట్ పౌరుడిగా, SBI అర్థవంతంగా సహకరించడంలో చురుకైన పాత్ర పోషిస్తుందని ఆయన వెల్లడించారు.
తక్కువ ప్రాధాన్యత కలిగిన, బలహీనుల పట్ల శ్రద్ధ వహించడంలో అపారమైన సంతృప్తిని SBI పొందుతుందని అన్నారు. బలహీన వర్గాలకు చెందిన మరియు సమాజంలో అర్హులైన వ్యక్తుల జీవితాలపై సానుకూల ప్రభావాన్ని సృష్టించేందుకు బ్యాంక్ CSR తత్వాన్ని నొక్కి చెప్పారు. పేదలు, అణగారిన వర్గాల అభ్యున్నతి కోసం CR ఫౌండేషన్ వారి అవిశ్రాంతమైన సేవలను ఆయన ప్రశంసించారు.
ఈ సందర్భంగా చీఫ్ జనరల్ మేనేజర్ అమిత్ జింగ్రాన్ మాట్లాడుతూ బ్యాంకు CSR కార్యకలాపాలలో భాగంగా సమాజంలోని అర్హులైన వెనుకబడిన వర్గాలను చేరుకోవడానికి హైదరాబాద్ సర్కిల్ ముందంజలో ఉంది. ఈ సంవత్సరంలో బ్యాంకు సుస్థిరత కార్యక్రమాలు, కొన్ని ప్రభుత్వ పాఠశాలలు, పిహెచ్‌సిలు, అంగన్‌వాడీల రూపాంతరం మరియు ఇతర సాంఘిక సంక్షేమ చర్యల కోసం ఎక్కువ ఖర్చు చేయడానికి కట్టుబడి ఉందని ఆయన అన్నారు.
2022 జూలై & ఆగస్టు నెలల్లో రాష్ట్రవ్యాప్తంగా 75000 చెట్ల పెంపకాన్ని చేపట్టేందుకు బ్యాంక్ ప్రణాళిక సిద్ధం చేసిందని కూడా ఆయన తెలియజేశారు. ఈ కార్యక్రమంలో హైదరాబాద్‌లోని CCGRO జనరల్ మేనేజర్ కె ఫణేంద్ర నాథ్, డిప్యూటీ జనరల్ మేనేజర్లు మరియు ఇతర సీనియర్ మేనేజ్‌మెంట్ అధికారులు పాల్గొన్నారు.
