ఢిల్లీలోని రాష్ట్రపతి భవన్‌లో అమెరికా అధ్యక్షుడు డోనాల్డ్ ట్రంప్‌ గౌరవార్థం రాష్ట్రపతి రామ్‌నాథ్‌ కోవింద్‌ ప్రత్యేక విందు ఇచ్చారు. తొలిసారి రాష్ట్రపతి భవన్‌కు విచ్చేసిన ట్రంప్‌ దంపతులకు రాష్ట్రపతి రామ్‌నాథ్‌ కోవింద్‌ ఆత్మీయ స్వాగతం పలికారు. అనంతరం కాసేపు మాటామంతి నిర్వహించారు. ఈ సందర్భంగా విందుకు హాజరైన కేంద్రమంత్రులు, పలు రాష్ట్రాల సీఎంలను ట్రంప్‌ పరిచయం చేసుకున్నారు. ఈ కార్యక్రమానికి హాజరైన ముఖ్యమంత్రి కేసీఆర్‌తో అమెరికా అధ్యక్షుడు ట్రంప్‌ కరచాలనం చేశారు. సీఎం కేసీఆర్‌ తనను తాను ట్రంప్‌కు పరిచయం చేసుకున్నారు.
సీఎం కేసీఆర్‌తో డోనాల్డ్ ట్రంప్‌ కరచాలనం
