ముంబైకి చెందిన శ్రద్ధా వాకర్ హత్య కేసులో మరో విషయం వెలుగులోకి వచ్చింది. అఫ్తాబ్ అమీన్ పూనావాలా (28) శ్రద్ధను బాగా కొట్టేవాడు. శ్రద్దా గొడవల సమయంలో గాయపడినప్పుడు.. కిందపడటం వల్ల గాయపడ్డానని చెప్పుకొచ్చింది. శ్రద్ధా ముంబైలోని మూడు ఆసుపత్రుల్లో చికిత్స తీసుకున్నప్పటికీ, దాడి గురించి వైద్యుడికి ఎప్పుడూ చెప్పలేదు. చికిత్స సమయంలో ఏ ఆసుపత్రిలోనూ శ్రద్ధా మెడికో లీగల్ కేసు చేయకపోవడానికి ఇదే కారణం. ఓ బృందాన్ని ముంబైకి పంపినట్లు ఢిల్లీ పోలీసు అధికారి తెలిపారు.
2020, 2021 సంవత్సరాల్లో శ్రద్ధపై అఫ్తాబ్ దాడి చేసినట్లు విచారణలో తేలింది. ఈ సందర్భంగా ఆమె ముఖం, శరీరంపై పలుచోట్ల గాయాలయ్యాయి. ఆ సమయంలో శ్రద్ధా ముంబైలోని మూడు ఆస్పత్రుల్లో చికిత్స తీసుకుంది. ఈ మూడు ఆసుపత్రులకు చెందిన ఇద్దరు వైద్యుల వాంగ్మూలాలను ఢిల్లీ పోలీసులు రికార్డు చేశారు. ముంబైలో శ్రద్ధా స్నేహితుడు లక్ష్మణ్ నాడార్, శ్రద్ధా బాస్ కరణ్ బహ్రీ వాంగ్మూలాలను కూడా ఢిల్లీ పోలీసులు రికార్డ్ చేశారు.
ఆ గొడవ గురించి శ్రద్ధా తమకు ఎప్పుడూ చెప్పలేదని ఈ వ్యక్తులు చెప్పారు. ఒకసారి శ్రద్ధ పోలీసులకు ఫిర్యాదు చేసింది అప్పుడు మాత్రమే శ్రద్ధను అఫ్తాబ్ కొట్టినట్లు వారికి తెలిసింది. ఢిల్లీ పోలీసులు ముంబైలో మొత్తం 16 మంది వాంగ్మూలాలను నమోదు చేశారు. ఛతర్‌పూర్‌లోని అఫ్తాబ్ అద్దె ఇంట్లో ఐదు కత్తులు లభించాయి. శ్రద్ధా మృతదేహాన్ని నరికివేయడానికి అతడు ఈ కత్తులను ఉపయోగించి ఉంటాడని పోలీసులు అనుమానిస్తున్నారు. పోలీసులు మొత్తం ఐదు కత్తులను ఫోరెన్సిక్ పరీక్షకు పంపారు.
