ప్రతి సంవత్సరం సూపర్ స్టార్ కృష్ణ జన్మదిన కానుకగా.. మహేష్ బాబు తమ సినిమా నుంచి ఏదో ఒక అప్డేట్ ఇవ్వడం ఆనవాయితీగా వస్తున్నది.
అయితే ఈ సంవత్సరం కరోనా కలకలం దృష్ట్యా… ‘సర్కారు వారి పాట’ నించి కూడా ఏవిధమైన అప్డేట్ రావడం లేదు. అందుకే సూపర్ స్టార్ ఫాన్స్ ని ఉత్తేజపరిచేలా.. అల్లూరి సీతారామరాజుగా కనిపించి మైమరపించిన డేరింగ్ & డాషింగ్ హీరో కృష్ణ గారికి జన్మదిన కానుకగా ఆర్.పి పట్నాయక్ పాడిన విప్లవ వీరుని గీతం.. సూపర్ స్టార్ అభిమానులకు అంకితమిస్తూ ఊర్వశి ఓటిటి వారు విడుదల చేస్తున్నారు.
ప్రముఖ దర్శకుడు వీరు.కె ఈ పాట రూపకల్పనకు సారధ్యం వహించగా ఆర్.పితో యువ గాయనీమణి మౌనిక గొంతు కలిపారు.
ఊర్వశి ఓటిటి ఎమ్.డి రవి కనగాల- సిఇఓ రామసత్యనారాయణ మాట్లాడుతూ… “తెలుగు సినిమా ఖ్యాతిని ఇనుమడింపజేసిన సూపర్ స్టార్ కృష్ణగారిపై ఓ పాటను ఆయనకు కానుకగా, ఆయన అభిమానులకు అంకితం చేస్తూ విడుదల చేస్తుండడం మాకు ఎంతో గర్వంగా ఉంది. మాకు ఈ అవకాశం కలగజేసిన ‘మా’ అధ్యక్షులు నరేష్ గారికి మా కృతజ్ఞతలు” అన్నారు!!
