అమెరికా మాటకు కట్టుబడి ఉండకపోతే విపరీత పరిణామాలను ఎదుర్కొవాల్సి వస్తుందని తాలిబాన్లు హెచ్చరించారు. ఆఫ్ఘనిస్థాన్ నుంచి అమెరికా సేనలు గడువు ముగిసేలోగా వెళ్లిపోవాలని వారు హెచ్చరించారు. ఆగస్టు 31లోపు అమెరికా సేనలు ఆఫ్ఘనిస్థాన్ నుంచి వెళ్లిపోవాలని వారన్నారు. ఇప్పటికే తాము విధించిన గడువును దాటి అమెరికా సైన్యం ఆఫ్ఘనిస్థాన్ లో ఉంటున్నదని వారన్నారు. మే 1వ తేదీకల్లా అమెరికా సేనలు ఆఫ్ఘనిస్థాన్ ను ఖాళీ చేయాల్సి ఉందని అయితే అమెరికా ఆ పని చేయలేదని, ఈ సారి గడువు దాటే ఊరుకునేది లేదని తాలిబాన్లు హెచ్చరించారు.