ప్రకాశం జిల్లా వేటపాలెం గ్రామపంచాయతీ పరిధిలో ప్రస్తుతం ఒక థియేటర్ నడుస్తున్నది. గతంలో ఈ ధియేటర్ ను రామకృష్ణ థియేటర్ అని పిలిచేవారు. ఇటీవల ఈ దియేటర్ ను రెండు థియేటర్లు గా రీమోడలింగ్ జరిగిన సందర్భంగా మల్టీప్లెక్స్ థియేటర్ గా వ్యవహారంలో ఉన్నది.
ప్రస్తుతం PR & SR CINIMAS పేరుతో పిలువబడుతున్నది. అయితే, ఇటీవల రాష్ట్ర ప్రభుత్వం సినిమా హాళ్ళ నిర్వహణపై అనేక మార్గదర్శకాలను అమలు చేస్తున్న పరిస్థితులలో గ్రామపంచాయతీ పరిధిలోని మల్టీప్లెక్స్ థియేటర్స్ లలో టికెట్ల ధరలు రూ. 80/-, 50/-, 30/- లు వుండగా ఈ థియేటర్లో మాత్రం ప్రభుత్వ అధికారులు రూ.100/- లు గా నిర్ణయించడం పలు అనుమానాలకు తావిస్తోంది. అంతేకాకుండా సినిమా థియేటర్స్ లలో మొత్తం సీట్ల వివరాలు, రేట్ల వివరాలు బోర్డులో ప్రకటించాల్సి ఉండగా,థియేటర్ యాజమాన్యం నియమ నిబంధనలను పాటిస్తున్న దాఖలాలు ఏమాత్రం లేదు. పైగా యజమాన్యం వారు రెవెన్యూ అధికారులకు ఇస్తున్న మామూళ్ల కారణంగా థియేటర్ నిర్వహణ సక్రమంగా లేకపోయినప్పటికీ పట్టించుకునే నాధుడు లేడు.