31.2 C
Hyderabad
June 20, 2024 22: 04 PM
Slider తెలంగాణ

రవిప్రకాశ్‌ను అరెస్ట్‌ చేశాం: డీసీపీ

ravi

టీవీ9 మాజీ సీఈవో రవిప్రకాశ్‌ను అరెస్ట్‌ చేసినట్టు బంజారాహిల్స్‌ పోలీసులు శనివారం రాత్రి అధికారికంగా ప్రకటించారు. టీవీ9 ప్రస్తుత సీఈవో గొట్టిపాటి సింగారావు శుక్రవారం చేసిన ఫిర్యాదు మేరకు రవిప్రకాశ్‌ను అరెస్ట్‌ చేసినట్టు వెస్ట్ జోన్ డీసీపీ సుమతి మీడియాకు వెల్లడించారు. రవిప్రకాశ్‌తో పాటు అసోసియేటెడ్‌ బ్రాడ్‌కాస్టింగ్‌ కంపెనీ లిమిటెడ్‌(ఏబీసీఎల్‌) మాజీ సీఎఫ్‌వో ఎంకేవీఎన్‌ మూర్తిపై 409, 418, 420 సెక్షన్ల కింద కేసు నమోదు చేసినట్టు చెప్పారు. ఏబీసీఎల్‌ కంపెనీ చెందిన దాదాపు రూ.18 కోట్ల నిధులను సొంతానికి వాడుకున్నారని ఆరోపణలు వచ్చిన నేపథ్యంలో రవిప్రకాశ్‌ను అదుపులోకి తీసుకుని ప్రశ్నించినట్టు పోలీసులు తెలిపారు. బోనస్‌, ఎక్స్‌గ్రేషియా పేరుతో కంపెనీ నిధులను స్వలాభానికి వాడుకుని సంస్థకు నష్టం కలిగించినట్టు ఫిర్యాదు పేర్కొన్నట్టు వారు వెల్లడించారు. బోర్డ్‌ ఆఫ్‌ డైరెక్టర్స్‌, షేర్‌ హోల్డర్ల ఆమోదం తీసుకోకుండా కంపెనీ ఖాతా నుంచి నిధులను తీసుకుని స్వప్రయోజనాల కోసం వాడుకున్నట్టు ఆరోపణలు ఉన్నాయన్నారు. రవిప్రకాశ్‌ను అరెస్ట్‌ చేసి రిమాండ్‌కు తరలించినట్టు చెప్పారు. తర్వాత కోర్టులో ప్రవేశ పెట్టగా రవిప్రకాష్ కు 14 రోజుల జ్యుడీషియల్ రిమాండ్ ను నాంపల్లి కోర్టు విధించింది. జడ్జ్ నివాసం నుండి పోలీసులు ఆయనను చంచల్ గూడ జైలు కు తరలించారు

Related posts

కంటోన్మెంట్ కాంట్రాక్టు కార్మికుల క్రమబద్ధీకరణకై ఉద్యమిద్దాం

Satyam NEWS

ప్రజాస్వామ్య హననం చేస్తున్న గవర్నర్ వ్యవస్థ రద్దు చేయాలి

Bhavani

ఇళ్ల నిర్మాణం త్వరగా పూర్తి కావాలి

Murali Krishna

Leave a Comment