22.7 C
Hyderabad
July 15, 2024 02: 02 AM
Slider తెలంగాణ

కామారెడ్డి డిపోలో రిపోర్ట్ చేసిన డ్రైవర్

kamareddy bus 02

ముఖ్యమంత్రి కేసీఆర్ ఆర్టీసీ కార్మికులకు ఇచ్చిన డెడ్ లైన్ తో కామారెడ్డి ఆర్టీసీ కార్మికుల్లో అంతర్మథనం మొదలైంది. ఉద్యోగంలో చేరకపోతే భవిష్యత్తు ఏంటనే దానిపై చర్చ జరుగుతోంది. 3 నెలల్లో పదవి విరమణ చేయనున్న డ్రైవర్ హైమద్ డివిఎంకు తాను విధుల్లో చేరతానని రిపోర్ట్ చేసాడు. దాంతో నేడు చేపట్టే పల్లెబాట కార్యక్రమాన్ని జెఎసి నాయకులు విరమించుకున్నారు. కామారెడ్డి జిల్లా కేంద్రంలో ఆర్టీసీ కార్మికులు సమ్మె చేస్తున్న విషయం తెలిసిందే. నిన్న ముఖ్యమంత్రి కేసీఆర్ కేబినెట్ సమావేశంలో తీసుకున్న నిర్ణయాలను మీడియా సమావేశంలో వెల్లడించారు. 5 వ తేదీ అర్ధరాత్రి లోపు కార్మికులు విధుల్లో చేరకపోతే ఆర్టీసీని ప్రైవేట్ చేస్తామని చెప్పడంతో కొందరు కార్మికులు ఆలోచనలో పడ్డారు. కామారెడ్డి డిపోలో డ్రైవర్ గా పని చేస్తున్న హైమద్ గత కొన్ని రోజులుగా సమ్మెలో పాల్గొంటున్నాడు. అయితే ముఖ్యమంత్రి విధించిన డెడ్ లైన్ తో భయాందోళనకు గురైన హైమద్ తాను విధుల్లో చేరతానని కామారెడ్డి డిపో డివిఎం గణపతికి లిఖిత పూర్వకంగా తెలియజేశాడు. ఈ సందర్బంగా ఆయన మాట్లాడుతూ.. రెండు నెలల నుంచి జీతాలు లేక ఇబ్బందులు ఎదుర్కొంటున్నామని అన్నారు. ఎన్నికల ముందు సమ్మె చేస్తే లాభం ఉండేదని, పండగ ముందు సమ్మె చేయడం వల్ల సామాన్య ప్రజలు ఇబ్బందులు ఎదుర్కొన్నారని హైమద్ తెలిపాడు. యూనియన్ నిర్ణయం సరైనది కాదని చెప్పాడు. విషయం తెలుసుకున్న కార్మికులు హైమద్ కుటుంబ సభ్యులకు సర్ది చెప్పే ప్రయత్నం చేసినా హైమద్ వెనక్కి తగ్గలేదు.

Related posts

వాటర్ ప్లాంట్ యజమానులకు హెచ్చరిక.. అనుమతి లేకుంటే సీజ్

Satyam NEWS

అవినీతి సిఐ లాకర్లో భారీగా నగదు, బంగారం

Satyam NEWS

అమరావతిలో భూముల ధరలు పెరుగుతుంటే మేం చప్పట్లు కొట్టాలా?

Satyam NEWS

Leave a Comment