రోడ్డు ప్రమాదంలో భార్యాభర్తలు మృతి చెందిన సంఘటన నర్సాపూర్ మండలంలో చోటుచేసుకుంది. వివరాల్లోకెళితే చిలిపి చెట్ మండలం రహీంగూడ తండాకు చెందిన రవి నాయక్ నర్సాపూర్‌లో జరిగే ఓ వివాహ కార్యక్రమానికి తన భార్య లీలతో కలిసి బైక్ పై నరసాపురం వస్తున్న క్రమంలో రెడ్డిపల్లి సమీపంలోనికి రాగానే నర్సాపూర్ వైపు వస్తున్న డీసీఎం రవి నాయక్ బైక్‌ను ఢీ కొట్టింది.
ఈ ఘటనలో రవి నాయక్‌తో పాటు లీలా అక్కడికక్కడే మృతి చెందారు. నర్సాపూర్‌లో నివాసం ఉంటున్న రవి నాయక్ కుటుంబం శివంపేట మండలం పిల్లుట్ల ప్రైమరీ స్కూల్లో ప్రధానోపాధ్యాయునిగా పనిచేస్తున్నాడు. మృతునికి ఓ కుమారుడు ఓ కూతురు ఉన్నట్లు తెలిపారు.
విషయం తెలుసుకున్న పోలీసులు ఘటనా స్థలానికి చేరుకొని వివరాలు సేకరించారు. రవి నాయక్ తన కుటుంబంతో కలిసి సెలవులకని తన స్వగ్రామమైన రహీం గూడకు పెళ్లికి వస్తుండగా ప్రమాదంలో దంపతులు మృతి చెందడంతో తీవ్ర విషాదం నెలకొంది.
