గురువులార
కరుణామృత ధీరులార
ప్రతి గుండె గుండె నిలిచి
సరస్వతిని వశపరిచిన
అపర బ్రహ్మలార
మీ కటాక్ష వీక్షణాలు
మా ఉన్నతికి
గవాక్ష రక్షణ కవచాలు
మీ సేవా భావ కిరణాలు
మాపై నిరతం కురిసే
చల్లని వెన్నెల పున్నములు
మీ అనితర విధి నిర్వహణలు
మా భవిష్యకు నిధి నిక్షేపాలు
గురుదేవోభవ
మరిచిపోదామన్నా మరువలేని
మనసున్న మా రాజులు మీరు
మేము వేస్తున్న ప్రతి అడుగులో
మీ అమూల్య జాడలే
మీరందించిన, అందించే
అపురూప ఆదరణలు
కుసుమించే సుమ మాలలు
భావితరానికి రూపురేఖలు
దిద్దుతున్న మార్గదర్శులు
మా హృదిలో నిలిచిన అమృతమూర్తులు
మీకివే వందనాలు
వందనాలు
వందలాది వందనాలు
(5 సెప్టెంబర్ 2021 ఉపాధ్యాయ దినోత్సవం సందర్భంగా)
కె.హరనాథ్, 9703542598
