ఎన్టీఆర్ ట్రస్ట్ మేనేజింగ్ ట్రస్టీ నారా భువనేశ్వరి చేతుల మీదుగా ఎన్టీఆర్ ట్రస్ట్ ఆఫీస్లో 2023 డిజిటల్ క్యాలెండర్, డైరీని ఆవిష్కరించారు. ఈ డిజిటల్ క్యాలెండర్ యాప్ని అందరూ తమ మొబైల్లో గూగుల్ ప్లే స్టోర్ , యాపిల్ స్టోర్ నుంచి డౌన్లోడ్ చేసుకోవచ్చన్నారు. ఈ యాప్ ద్వారా బ్లడ్ కావలసినవారు డైరెక్ట్ ఎంక్వైరీ చేసుకోవచ్చని తెలిపారు.
రోజువారీ దిన ఫలాలను కూడా ఈ యాప్ ద్వారా తెలుసుకోవచ్చని పేర్కొన్నారు. ఎన్టీఆర్ ట్రస్ట్ సేవా కార్యక్రమాలను ఎప్పటికప్పుడు ఈ యాప్ ద్వారా తెలియజేస్తామని అన్నారు. ఎవరైనా ఎన్టీఆర్ ట్రస్ట్కి విరాళాలు చేయదలచిన వారు.. ఒక క్లిక్తో విరాళాలను అందజేయవచ్చని స్పష్టం చేశారు. ఈ కార్యక్రమంలో ఎన్టీఆర్ మెమోరియల్ ట్రస్ట్ సీఈవో రాజేంద్ర కుమార్తో పాటు పలువురు పాల్గొన్నారు.
