గుంటూరు నగరం అరండల్‌పేటలోని ఒక హోటల్ లో పుట్టిన రోజు పేరుతో నిర్వహించిన రేవ్ పార్టీని పోలీసులు భగ్నం చేశారు.
ఈ పుట్టినరోజు వేడుకల్లో కాల్గర్ల్స్ ఉన్నారన్న సమాచారంతో పోలీసులు దాడులు చేసి తనిఖీలు చేపట్టారు.
స్నేహితుని పుట్టినరోజు వేడుకలు నిర్వహించిన ముగ్గురు వ్యక్తులు బెంగళూరు నుంచి అమ్మాయిలను తీసుకొచ్చినట్లుగా పోలీసులు గుర్తించారు.
దాడుల్లో ఐదుగురు మగవారు, ముగ్గురు అమ్మాయిలు పట్టుబడ్డారు. దాంతో వారిని అదుపులోకి తీసుకున్నారు.
అమ్మాయిలను పునరావాస కేంద్రానికి తరలించారు. హోటల్ నిర్వాహకులను సైతం పోలీసులు ప్రశ్నిస్తున్నారు. విచారణ అనంతరం పూర్తి వివరాలు మీడియాకు వెల్లడిస్తామని పోలీసులు తెలిపారు.
