ఎనిమిదవ తరగతి చదివే ఒక బాలికపై అత్యాచార యత్నం చేసిన స్కూల్ వ్యాన్ డ్రైవర్ ను స్థానికులు చితకబాదారు. వాడు నడిపే స్కూల్ వ్యాన్ ను ధ్వంసం చేశారు. నెల్లూరు నగరంలో ఈ దారుణం జరిగింది. నెల్లూరు విద్యావిహార్ స్కూల్ లో 8వ తరగతి చదివే ఒక బాలిక రోజూ స్కూల్ వ్యాన్ లో వెళుతుంది. అదే స్కూల్ లో వ్యాన్ డ్రైవర్ గా పనిచేస్తున్న శివ అనే యువకుడు ఆ బాలికపై కన్నేశాడు.
దీనదయాల్ నగర్ ప్రాంతంలో సమాధుల వద్దకు తీసుకొచ్చి ఆ బాలికపై వాడు అత్యాచార యత్నం చేశాడు. దాంతో ఆ బాలిక కేకలు వేయడంతో చుట్టుపక్కల స్థానికులు పరుగెత్తుకుంటూ వచ్చారు. జరుగుతున్న ఘటనను చూసి ఒక్క సారిగా పట్టలేని కోపంతో శివ ను చితకబాదారు. అనంతరం వాడ్ని పోలీసులకు అప్పగించారు. చిన్నారిపై జరిగిన ఈ అఘాయిత్య ప్రయత్నానికి ఆగ్రహించి స్థానికులు స్కూల్ వ్యాన్ ను పూర్తిగా ధ్వంసం చేశారు.