చివరి చరణం

అతనెప్పుడూ

ఎంతో ఉల్లాసంగా ఉత్సాహంగా

పాడుతూనే ఉంటాడు

అతడి పాటలో

పల్లవి జీవన రాగమౌతుంది

ప్రతి చరణంలో

సాగిపోతున్న జీవితం కనిపిస్తున్నది

అతడిల్లు ఎప్పుడూ

ఆనంద నిలయమే

సంగీత సాగరంలో నిరంతరం తేలియాడే

అతడి జీవితంలో

మాయదారి మహమ్మారి అపశృతి

చోటు చేసుకుంది

గొంతు మూగబోయింది

నీరసంతో సత్తువ కోల్పోయి హాస్పటల్ కి

చేరుకున్నాడు

చివరి చరణంలో దుఃఖరాగానెత్తుకొని

ఆక్సిజన్ ఆక్సిజన్ ఆక్సిజన్ అంటూ

మనల్ని శోకసముద్రంలో

వదిలేసి వెళ్ళిపోయాడు

(యదార్ధ సంఘటన ఆధారంగా)

కె.హరనాథ్, సెల్ నెం: 9703542598