వెండికొండ నుండి వెడలి వచ్చి
భువిని బంగరు కొండవై నిలిచి
బంగరు కుండ బోనం స్వీకరించి
భక్తులకండదండవైన అమ్మతల్లీ
అలనాడు..నగరానికి వరదొచ్చిన కాలంలో..
వరదాయినివై ఆదుకొన్న సింహవాహనీ..
మహత్తుగల మంగళకర మహంకాళివై నీవు
మతాతీత భక్తజన బంధువైనావు.
ఇంటింటి బోనాల ఇలవేల్పువు
వాడ వాడ వేడ్కల నెలతాల్పువు
గోల్కొండ ఎల్లమ్మ, కట్ట మైసమ్మ, లష్కర్ మహంకాళి,
లాల్ దర్వాజ సింహ వాహని
ఎన్నెన్నొ రూపాల వెలసిన జగజ్జననీ
అన్నన్ని బోనాల బొట్ల సహస్ర నయనీ
ఆషాఢ పూజల వెలిగే ఆది శక్తివి
రోగాలణచి బ్రోచే ఆ దివ్య శక్తివి
పోచమ్మ, బాలమ్మ, ముత్యాలమ్మ, గంగమ్మలనుపేర గ్రామదేవతవై
జగముల రక్షించు ఓ జగదీశ్వరీ
వరములిచ్చి దీవించుమా పరమేశ్వరీ!
కె.వీణారెడ్డి, హైదరాబాద్, 7337058025