పొద్దు పొద్దున్నే లేచి
సద్దులు కట్టుకొని
పారా పలుగులు చేతబట్టి
మూటలు నెత్తిన పెట్టుకొని
సూర్యుడు పొడవక ముందే
ఇంటి తలుపు గొళ్లెం పెట్టి
పనుల కోసం పరుగులు
మట్టి పనికి తట్ట పనికి మేమే
కష్టం నమ్ముకొని బతికే వాళ్ళం
తిండి గింజలకు, గుండు పిన్నులకు
అన్నిటి తయారీలో మేమే ఉంటూ
రక్తం కలి కలి చేసుకుంటూ
చెమట చుక్కలు ధారపోస్తూ
బుక్కెడు మెతుకుల కోసం
రేపటి యోచన లేదు
వలస జీవన పోరాటంచేస్తూ
కార్మిక హక్కుల శంఖారావంతో
శ్రమజీవుల స్వేచ్ఛ కోసమై
వర్గపోరాటానికి బాటలు వేస్తూ
హక్కులకై పోరాడే శ్రమజీవులం
పత్తెం వసంత, కరీంనగర్