అజ్ఞానపు చీకటిని
తరిమేసే సూర్యుడు
స్వయం ప్రకాశకుడు
తేజోదీపంలా వెలిగే
జ్ఞాన భాస్కరుడు ఉపాధ్యాయుడు
భవిష్యత్తును నిర్దేశించే మార్గదర్శి
భరోసాను అందించే చైతన్యమూర్తి
ఆత్మబలమై నిలిచే ఆదర్శ స్ఫూర్తి
గురువే లేకుంటే
విశ్వవిజ్ఞానానికి అర్థమే లేదు
కొవ్వొత్తిలా కరిగి వెలుగును
ప్రసాదించకుంటే రేపటి
జీవితం కాంతివంతం కాదు
ఆ అద్వితీయతను గురించి
ఏం చెప్పినా, ఎంత కొనియాడినా తక్కువే
గురూనాం గురుః
ఆ మార్గదర్శికి వందనం
ఆ తేజోమూర్తికి సహస్ర ప్రణామం.
(ఉపాధ్యాయ దినోత్సవం సందర్భంగా…)
డా. తిరునగరి శ్రీనివాస్, 8466053933