అందమైన మబ్బుల గొడుగల్లే
భూమాతకు రక్షణగా నిలిచి ఉంటూ
తెల్లతెల్లాని మబ్బులతో
ఆకాశాన్ని నిర్మలంగాఉంచుతూ
ఎన్నెన్నో చిత్రాలతో చిన్నారులలో
సృజనాత్మకతను పెంచుతూ
నల్లనల్లాని మబ్బులతో రైతన్నల కళ్ళల్లో
కోటి కాంతులు నింపుతూ
రాత్రి వేళల్లో తారకలతో కలిసి నెలరేడు చేసే సయ్యాటలను కళ్లముందుంచుతుంది
పొర్ణమి రోజుల్లో వెన్నెలనంతా మన కోసం వెదజల్లుతుంది
అమావాస్య కటిక చీకట్లో సైతం
తారకల సాయంతో వెలుగు నింపే చిరు ప్రయత్నం చేస్తుంది
జీవితంలో చీకటి వెలుగులు ఎంత సహజమో
కష్ట సుఖాలు అంతేనని తెలుపుతూ
మనకు దూరమైన ఆత్మబంధువులందరినీ ఆకాశంలో కనిపించేలా చేస్తూ
మన బాధలు దూరం చేస్తూ
ఎపుడూ మన తోనే ఉంటూ
మన హితం కోరుతూ
తోడూ నీడగా ఉండేదే ఆ ఆకాశం
అందుకే ఆకాశమంటే నాకెంతో ఇష్టం
ఆకాశమే కదా మనందరికీ ప్రియ నేస్తం
దేవలపల్లి సునంద, 9291599562