భరతమాతకు వందనం
భవ్య చరితకు వందనం llభరతll
మహనీయులెందరికో జన్మనిచ్చిన
మహిమాన్విత మన భరతమాత
యోగులు కర్మవీరులను గన్న
రత్నగర్భ మన భరతమాతllభరత ll
జలసిరులు పొంగిపొరలగా
సస్యశ్యామలమైన సుందర క్షేత్రము
పవిత్ర పుణ్య క్షేత్రాలతో
అలరించే అందమైన ప్రదేశముlభరతl l
చతుర్వేదములు వెలసిన
భాగ్యదాయిని భరతావనిగా
ఆది పురుషులవతరించిన
అనర్ఘమైన అమరభూమిగా
పుడమికి వన్నె చేకూర్చినది llభరతll
విభిన్న జాతుల సమ్మేళనమే
విశ్వానికి ఆదర్శమై నిలిచినది
భిన్న భాషావేషాల సమాహారమే
మహోన్నత సంస్కృతియై వెలిగిందిllభరత ll
పులి జమున