బాలీవుడ్ నటి షబానా ఆజ్మీ ప్రయాణిస్తున్న కారు ప్రమాదానికి గురైంది. ముంబై-పూణె ఎక్స్ ప్రెస్ వేపై ప్రయాణిస్తున్న ఆమె కారు ట్రక్కును ఢీ కొట్టడంతో ఈ ప్రమాదం జరిగినట్లు సమాచారం . రోడ్డు ప్రమాదంలో ప్రముఖ బాలీవుడ్ నటి షబానా అజ్మీకి తీవ్ర గాయలయ్యాయి. కోల్హాపూర్‌ టోల్‌ప్లాజా సమీపంలో ఆమె ప్రయాణిస్తున్న కారు అదుపుతప్పి ట్రక్కును ఢీ కొట్టింది.
దీంతో ఆమెకు తీవ్రగాయాలయ్యాయి. స్థానికులు వెంటనే ఆమెను ఎంజీఎం ఆస్పత్రికి తరలించారు. ప్రమాదం జరిగిన సమయంలో ఆమె భర్త జావేద్‌ అక్తర్‌ కూడా కారులోనే ప్రయాణిస్తున్నారు. ఈ ప్రమాదానికి సంబంధించిన పూర్తి వివరాలు తెలియాల్సి ఉంది.
