ములుగు జిల్లా గోవిందరావు పేటమండలం పసర పోలీస్ స్టేషన్ లో సర్కిల్ ఇన్స్పెక్టర్ గా విధులు నిర్వర్తించిన అనుముల శ్రీనివాస్ బదిలీపై వెళ్లగా ఆయన స్థానంలో శంకర్ నూతన సీఐ గా నియమితులయ్యారు.
2009 బ్యాచ్ చెందిన శంకర్.. లా అండ్ ఆర్డర్ విధినిర్వహణలో పూర్తికాలం ఖమ్మం జిల్లాలో పనిచేశారు. గత మూడు సంవత్సరాలు హైదరాబాద్ ఇంటెలిజెన్స్ విభాగంలో పనిచేశారు.
ప్రస్తుతం సీఐగా పసరా పోలీస్ స్టేషన్ కు బదిలీపై వచ్చారు. ఈ సందర్భంగా ఆయన మాట్లాడుతూ స్థానిక ప్రజలు ప్రజాప్రతినిధుల సహకారాలతో ఫ్రెండ్లీ పోలీస్ గా వ్యవహరించి నిరంతరం ప్రజలందరికీ అందుబాటులో ఉంటానన్నారు.
